Mar 14, 2011

வைகையன்ன ம.பொ.சி. வாழ்க!

              - முகை. மா. வஞ்சிப்பாண்டியன்.


1

தமிழ்மகள் அருளைப் பெற்ற
     தனிச்சிறப் புடைய நல்லோன்;
தமிழ்த்திரு நாடாம் அன்னைத்
     தன்னுளம் உவக்கச் செய்த
பெருந்தகை; சான்றோன்; தன்னைப்
     பெற்ற பொன்னாடும் தன்தாய்
அருந்தமிழ் மொழியும் வாழ்ந்தால்
     இனம் வாழுமென்று ழைப்போன்.



2

வஞ்சினம் உரைக்கும் போது
     வாகை சூடிய, பெரும்போர்
அஞ்சிடாச் செழியன்; கோவூர்
     கிழாரவன் கருத்துச் சொன்னால்
எத்தகைய இடர் வந்தாலும்
     ஏற்றதோர் கொள்கை வாழ்வில்
நித்தமும் பணிசெய்ப் பண்பால்
     நாவினுக் கரசன் ஆவன்.


3

கங்கையும் அன்று; பொன்னிக்
     காவிரி நதியும் அன்று;
இங்கிதம் வாய்த்த நீர்மை
     எளிமையால், பொதுத்தொண் டென்று
பிறர்போன்று வீண் செய்யாத
     பெற்றியால் வைகை போன்றோன்.
பிறந்த நாட்டெல்லை காத்த
     ம.பொ.சி; வாழ்க, நன்றே.

2 comments:

  1. அய்யாவைப்பற்றிய செய்திக்கு நன்றி மேடம்

    ReplyDelete
  2. Latest Tamil Movies review,Tamil cinema latest News in Tamil
    www.cineikons.com

    ReplyDelete

Note: Only a member of this blog may post a comment.